BE.254 Logu no.124
DI NA PONJOT ROHAGKU

Ayat 1
O Jesus Sipangolu Parasiroha i Sai loas au mangolu Palas ma rohangki
Pasihar ma bohingku Pangolu ma tondingku Tangihon hatangki.

Ayat 2
Sai sesa ma dosangku Huhut padao ma i Paombun ma rimasMu Di au parjahati
Gok dame baen rohangku O Tuhan Debatangku Tangihon hatangki

Ayat 3
Pabali sian ahu Sude na roa i Na mangingani ahu Mangago tondingki
Ho naeng ihuthononku Ho naeng pasangaponku O Jesus Tuhanki.

Ayat 4
Patiur ma rohangku Marhite TondiMi Ai naeng do antusanku HataM na denggan i
Naeng haporseaonku Tongtong hasintonganmu Padaohon jea i.

Ayat 5
Pagorgor di rohangku Ma holong ni roham Ai naeng haholonganku Do Ho ro di hatam
Sai naeng pasauthononku Do lomo ni rohaMu Dibaen denggan basaM.

Ayat 6
Antong sai pargogoi ma Au on na bojok i Ai ingkon dipatupa Tondim do i sude
Tung aha ma gogongku Lao mangoloi patikMu ? Di au soada be.

Ayat 7
Dibahen i Tuhanku Asi ma rohaMi Pauba ma rohangku Sai pargogoi ma i.
Tongtong ingani ahu Huhut sai togu ahu Tu dalan na ture.
